Mangnamnama ni Executive Secretary Ralph Recto a maipasa ti Anti-Dynasty Bill kas maysa a linteg sakbay a madanon ti panangipila ti Certificate of Candidacy(COC) para iti 2028 national elections.
Sigun kenni Recto, manarimaan paylaeng ti panagadal iti Kamara, Senado ken ti Office of the President iti daytoy.
Kasta met a mangnamnama ni Commission on Elections(COMELEC) chairperson George Erwin Garcia a mapagbalin daytoy a linteg sakbay ti nasao nga eleksyon.
Sigun kenni Garcia, saan a panangidagadag wenno panangiyapura ngem impettengna a nu kasapulan a mapagbalin daytoy a linteg ket rumbeng a mapirmaanen inton 2027.
Maipalagip nga immuna metten nga impakaammo ti Palasyo Malacañang nga ad-adalenen ni President Ferdinand Marcos Jr. dagiti probisyon ken saklawen ti nasao a gakat.
Ti Anti-Dynasty Bill ket maysa kadagiti uppat a banag nga imbilin ti presidente nga ipangruna nga adalen ti Kongreso.//Rob
