Inaprubaran ti Kamara de Representantes iti maikadua a panagbasa ti gakat nga Anti-Political Dynasty Act a mangibilin iti pannangibawal iti aggigidan wenno agsasaruno a panagtugaw dagiti agkakabagyan kadagiti posisyon iti gobyerno iti maymaysa a lokalidad.
Iti sidung ti gakat wenno ti House Bill No. 8389, saan a mabalin a tumaray iti parehas a lugar ti agasawa wenno agkakabagyan agingga iti second degree of consanguinity wenno affinity.
Saklawen ti nasao a gakat dagiti posisyon iti barangay, munisipyo, siudad, probinsya, ken Distrito idiay Kamara.
Indauloan da Speaker Faustino “Bojie” Dy III ken Majority Leader Sandro Marcos ti panagdengngeg iti nasao a gakat no sadino sinuportaran daytoy dagiti agarup 170 a mammanday-linteg.
Dagos a maipatungpal ti nasao a gakat inton sumaruno nga eleksyon apaman a maaprobaran daytoy. //bombokaren.c.sapirao
