BAGUIO-CITY- Inkalikagum dagiti sumagmamano a Hotels ditoy Baguio City ti Antigen Testing kasaruno ti killaat a panagngato dagiti bilang ti turista nga agturturong ditoy siudad.
Sigun kenni Andrew Pinero, pannakangiwat ti Hotel and Restaurant Association of Baguio (HRAB), inaklonna a nabutngan daytoy seknan iti posible a panagwaras ti COVID-19 nangruna ta kaadoan a turista ket manipud iti lugar a nakailista iti nangato a kaso ti COVID-19 partikular sadiay National Capital Region.
![](https://img.bomboradyo.com/baguio/2021/02/hotels-inns-baguio-17.jpg)
Dinakamatna dagiti sumagmamano a hotel iti siudad a mangi-kalikagum iti negatibo a resulta ti Antigen Test pakairamanan ti Country Club, the Manor ken Forest Lodge a nangrugi pay idi Sabado, Marso 13.
Guyguyuguyenna met dagiti daduma pay a hotel nga i-adaptarda daytoy a polisiya tapnu maipangruna latta ti seguridad dagiti empleyado ken umili ditoy siudad.