Kinumpirmar ni House Deputy Speaker Rep. Ronaldo Puno a pimmusay ni Antipolo 2nd District Rep. Romeo Acop.
Maibasar iti report, nasarakan ti anakna a ni Dr. Karla Marie Acop ken ti security aide dagitoy a ni Pat Frank Louie Pastrana a nakaidda iti datar iti 10:12 pm idi rabii, Disyembre 20, 2025.
Daytoy ket kalpasan a pinauni ti nurse-na ti doorbell manipud iti kwarto ti nasao nga opisyal.
Dagus met a naiturong daytoy iti Assumption Hospital no sadino naideklara a pimmusay iti 10:56 p.m.
Sigun kenni Puno, successful ti kidney transplant ti nasao nga opisyal idi Nobyembre 28, 2025 no sadino nasayaat ti panagrekober daytoy.
Nupay kasta, pimmusay daytoy gapu iti mapapati a heart attack.
Kagiddan dayta, nakipagladingit dagitoy iti ipupusay ti nasao nga opisyal ken pinadayawanda pay iti panagserbina iti nasurok 25 a tawen.
