--Ads--
Inaprobaran ti Land Transportation Franchising and Regulatory Board (LTFRB) ti aplikasion dagiti 25 a transport cooperatives tapno makaawatda iti government subsidies a panaggatangda iti 162 a modern jeepneys babaen iti Public Transportation Modernization Program (PTMP).
Sigun kenni LTFRB Chairman Vigor Mendoza II, dagiti kooperatiba a naaprobaran ket manipud iti Northern Luzon ken Mindanao.
Gapu iti dayta, manamnama nga umado ti bilang dagiti public utility vehicles iti kalsada, a mangakomodar iti dumakdakkel a bilang dagiti pasahero.
Maipalagip a babaen iti Public Transportation Modernization Program (PTMP), matulungan dagiti transport operators a makaala iti loan packages nga aramatenda a panggatang kadagiti modern jeepneys.
