Rinugyanen iti International Criminal Court Registry nga i-transmit ti aplikasyon dagiti biktima iti war on drugs nga agtarigagay a makipaset wenno agtestigo iti panagdengngeg mainaig iti kaso ni sigud a President Rodrigo Duterte.
Maibasar iti filing idi laeng August 27, dumanon iti 25 dagiti naisumitir nga aplikasyon para iti Pre-Trial Chamber I.
Nakategorya dagiti 15 iti Group A bayat a ti 10 ket iti Group B.
Ti nasao a klasipikasyon ket maitunos iti structured framework para iti victim participation a naaramid babaen iti court order a naipaiyulog idi laeng April 17, 2025.
Iti agdama, agtaltalinaed a confidential dagiti amin a dokumento mainaig iti victim participation ken dagitoy ket makita laeng iti nasao a registry para iti seguridad.
Maipalagip a ni FPRRD ket nakabalud wenno nakadetain ita idiay The Hague, Netherlands gapu iti sangsangwenna a kaso a crimes against humanity gapu iti nadara a kampanya daytoy kontra iligal a droga kabayatan ti administrasyonna.
