Naibalud ni Aristotle Baluyut Viray iti New Quezon City Jail idi Martes kalpasan a naarestar iti maysa a gasoline station idiay Boni Serrano Avenue, Quezon City idi July 06, 2026.
Maysa ni Viray kadagiti kadua ni Sen. Marcoleta nga akosado iti P75-M plunder case.
Maysa metlaeng daytoy kadagiti pribado nga indibidual a nangipaay iti P20 million a donasion a saan a naideklara iti campaign contribution ni Sen. Marcoleta.
Iti argumento ni Marcoleta, kinunana a saan paylaeng a panagkakampanya idi inawatna ti kuarta idi January 2025.
Nupay kasta, impetteng ti Office of the Ombudsman a malaksid a saan nga indeklara ni Marcoleta ti nasao a gatad iti Statement of Assets, Liabilities, and Net Worth (SALN) daytoy, dakkel latta ti kuarta tapno maibilang a simple a regalo ti maysa a congressman.
Immuna a naiturong ni Viray iti Camp Crame para iti booking procedures ken medical check-up.
Apagbiit a nagtalinaed daytoy iti Philippine National Police (PNP) General Hospital kalpasan a nakapasar iti high blood pressure.
Kamaudiannanna, indeklara metlaeng dagiti doktor a natalged ti salun-at ni Viray.
Naiturong daytoy iti New Quezon City Jail a nakaibaludan met dagiti kakaduana nga akusado a da former congressman Mike Defensor ken ti negosiante a ni businessman Joseph Espiritu a naarestar iti maysa a coffee shop sadiay Quezon City idi July 6, 2026.
