Agleppas ita nga aldaw ti Agribusiness Support for Promotions and Investment in Regional Exposition wenno ASPIRE 2024 Trade Fair and exhibit iti Agricultural Training Institute-Cordillera a maang-angay iti masakupan ti Benguet State University- La Trinidad Campus.
Ti nasao nga exhibit ket nangrugi idi November 5.
Mabalin a magatang sadiay dagiti produkto manipod nagduduma a rehion pakairamanan ti Region 1,3,11, ken iti Cordillera.
Sumagmmaano kadagiti mailaklako ti sibuyas ken bawang manipud Region 1, prutas manipud probinsya ti Davao, tilapia manipod Kibungan, heirloom rice manipud Mountain Province, strawberry manipud Madaymen ken dadduma pay.
Iti panakaiuman ti Bombo Radyo iti maysa a kameng iti nsao nga inisyatiba, panggep daytoy nga itandudo dagiti produkto mnipod nagduduma a probinsya ken lokalidad.
Innayonna pay a maysa daytoy nga addang tapnu mapatibker ti relasyon ti Cordillera iti nagduduma a rehiyon kas iti region 1, 11 ken 3.
Iti sabali a bangir, imbinglay met ni Kenneth Andaya, representative ti micro small and medium enterprises manipod Mountain Province a napateg ti nasao nga exhibit tapno masuportaran dagiti nagduduma a produkto manipud iti nagduduma a lugar nga addaan iti produkto agrikultura.
Adu met ti naobserbaran a panagsangbay dagiti gumatang nu sadino, kaadwan kadagitoy ket estudyate.//Bombo Genzel Depayso.
