Impaganetget ni Atty. Guillermo Bandonil, legal luminary iti Baguio City, a napigsa ken naurnos ti performance ti prosecution team iti maikalima nga aldaw ti impeachment trial ni Vice President Sara Duterte idi kalman, Hulio 14.
Iti pannakiuman ti Bombo Radyo, kinunana a nu maibasar kadagiti pannakaiparang dagiti ebidensia ken testimonia dagiti saksi, naimatanganna a nasayaat ti panangidaulo dagiti abogado iti prosecution team.
“Base on my assessment dagiti performance dagitoy lawyers in the presentation of the evidence during the days of trial, I think the prosecution is doing very well.”
Atty. Guillermo Bandonill, legal luminary iti Baguio City
Masdaaw ni Atty. Bandonill gaputa ti nagcross-examine kadagiti saksi manipod iti Defense Team ket ubbing nga abogado a nadutukan, ken patienna a ti kapada a high profile cases ket masapul koma a dagiti abogado nga adu ti kapadasanna a kas dagiti abogado iti prosecution team.
“The defense should have got somebody more seasoned who can match wit after wit, talent after talent, and wisdom after wisdom against a seasoned lawyer as Atty. Ligutan.”
Atty. Guillermo Bandonill, legal luminary iti Baguio City
Sigun pay kenkuana, nakasentro laeng ti depensa iti teknikalidad, kas iti admissibility dagiti ebidensiya, authentication dagiti dokumento ken credibility dagiti saksi, ngem saan daytoy ti nakaapektar iti kinapigsa dagiti naiparang nga ebidensiya.
Innayonna a saan a nadadael ti kredibilidad dagiti saksi ken ebidensiya babaen iti cross-examination ni Atty. Vinluan, uray nagado dagiti objection ti depensa.
“Dagitoy lawyers ni Sara Duterte, it would seem na they are all basing it in technicalities isu nga no ag-object da ket about credibility, about admissibility of the evidence, authentication of documents.”
Atty. Guillermo Bandonill, legal luminary iti Baguio City
Kabayatanna, patienna a naiparang ti prosecution team ti kayatda a maipakita iti publiko babaen dagiti kadagiti saksi ket ebidensia a naiparang iti nasao a trial.| via Bombo Khey Reparip
