Nangipila ni Atty, Manases Carpio, asawa ni Vice President Sara Duterte, iti kaso a perjury kontra kenni sigud a senator Antonio Trillanes IV idiay Pasig City Prosecutor’s Office .
Ti nasao a kaso ket naibasar iti sinapataan ni Trillanes nga statement iti House Committee on Justice idi Abril 22 iti agdama a tawen seknan iti impeachment proceedings kontra iti bise presidente no sadino akakusaran ni Trillanes da Atty. Mans ken Vice Presidente Sara nga addaan dagitoy iti joint bank account nga aggatad iti agarup P111 milyon idi 2016 ken adda pakainaigan daytoy iti ilegala droga.
Nainget met a pinaglibakan daytoy ni Atty. Man ken inawaganna daytoy a malicious ken saan a pudno nga akusasyon.
Sigun iti inpilana a reklamo, maatap a naglabsing ni sigud a senator Trillanes iti Article 183 ti Revised Penal Code gapu iti panangaramidna iti saan a pundo nga statement iti sinapataan daytoy sakbay iti komite idiay Kamara.
Impetteng ni Atty. Mans a dagiti alegasyon ti sigud a senador ket sayangguseng laeng. //bombokaren.c.sapirao
