Pinaglibakan ti Department of Health (DOH) ti maysa nga indibidual manipod Central Visayas a naireport a pimmusay gapu iti sakit nga mpox wenno sigud a maaw-awagn a Monkeypox.
Sigun kenni DOH spokesperson Assistant Secretary Albert Domingo, agtaltalinaed nga uppat ti naireport a kaso ti Monkeypox iti Pilipinas ken awan ti pimmusay kadagitoy gapu iti nasao a sakit.
Kinuna ni Domingo a ti sakit nga mpox ket umasping iti sintomas iti chickenpox, shingles, ken herpes.
Sigun met iti World Health Organization (WHO), karaman kadagiti sintomas ti mpox ket ti skin rash wenno mucosal lesions, nga adda kakuyogna a gurigor, sakit ti ulo, sakit ti piskel, sakit ti bukot, nababa nga enerhia, ken swollen lymph nodes.
Nakairekord ti Pilipinas iti umuna a kaso ti mpox idi July 2022, agpada a bulan idi indeklara ti World Health Organization kas public health emergency iti sangalubungan.
Nupay kasta, nagleppas daytoy idi May 2023.
Iti agdama, nakarekober wenno simmayaaten ti kondision dagiti uppat a kaso ti mpox iti Pilipinas.
