Naireklamo ti maysa a babae sadiay Tuba, Benguet gapu iti maatap a panangdangranna iti karrubana a lalaki.
Ti suspect ket agtawen iti 37, singe, awanan iti trabaho bayat a ti biktima ket agtawen iti 57, addaan iti asawa, ken self-employed.
Agpada dagitoy a tubo iti Banaue, Ifugao ken iti agdama ket agnanaed idiay KM6, Sitio Sinko, Tadiangan, Tuba, Benguet.
Maibasar iti blotter, adda ti biktima iti maysa a furniture shop idi simmangpet ti suspect iti ayan daytoy.
Agparparang a napasamak ti suppiat wenno saan a panagkinnaawatan iti nagbaetan dagitoy agingga a pinag-or ti suspect ti biktima usar ti wooden stick.
Kasaruno dayta, simmangpet met ti ama ti suspect iti nakapasamakan iti insidente nu sadino, daytoyen ti naganawa.
Nagsagrap ti biktima iti physical injuries rason a naiturong sadiay Baguio General Hospital and Medical Center para iti panakatamingna.//Bombo Genzel Depayso
