Nangitunda iti debate iti nagbaetan dagiti netizens ti impablaak a video ni Tyreshia Morgan manipod Texas,USA bayat nga immatendar daytoy iti maysa a job interview nu sadino, nagkawes laeng daytoy iti shorts ken puraw a T-Shirt.
Iti caption, kinuna ni Morgan a “rejected” daytoy gapu laeng iti kawes nga inaramatna.
Daduma a netizen ti nangsuporta iti nagbalin nga aksyon ni Morgan nu sadino, kinunada nga awan ti problema iti daytoy nangruna nu napudot ti panawen.
Iti sabali a bangir, binabalaw met dagiti daduma daytoy nangruna dagiti sigud a nagtrabaho iti Human Resource Office kas panangipakita iti suportada iti recruiter ni Morgan.
Maysa kadakuada ti nangipaganetget iti kinapateg ti career preparation kadagiti pagadalan tapno maawatan dagiti aplikante ti kinapateg ti professionalism ken ti first impression iti panagaplikar iti trabaho.
Innayonda a nu agaplikar iti trabaho, masapol a panunuten a saan nga am-ammo dagiti Human Resource Officers dagitoy rason nga importante ti panagsagana para iti first impression.
