Natiliw idiay Kadalagahan,Taytay, Rizal itay nabiit ti 42-anyos a babai a maibilbilang kas number one must wanted person iti probinsiya ti Benguet kalpasan ti siyam a tawen a panaglemlemengna.
Saan met a nalawag ti ladawan ti suspek ken saan metlaeng a dinakamat dagiti awtoridad ti eksakto a nagan daytoy nu sadino innagananda iti alias Melet.
Sigun kenni PCol Felipe B. Maraggun, Provincial Director, Rizal Provincial Police Office, ni Melet ket number 1 most wanted person ti Benguet Police Provincial Office gapu kaso daytoy nga estafa ken large-scale illegal recruitment.
Dinakamat ti opisyal a ni alias Melet ket miembro ti grupo nga agpampammarang kas recruitment agency.
Innayon ni PCol. Maraggun nga idi Nobyembre agingga Disyembre 2016 ket niloko ti suspek dagiti lima nga aplikante nu sadino inkarina a maipaayan dagitoy iti napintas a trabaho idiay New Zealand kas dairy farm workers ngem saan a natungpal.
Rinibribu a pesos ti naala ti suspek manipud kadagiti biktima.
Naduktalan a ti grupo ni Alias Melet ket awanan iti lisensiya manipud iti Philippine Overseas Employment Administration.
Sumangsango daytoy iti kaso nga estafa nga addaan piyansa nga P18,000 ken Large Scale Illegal Recruitment nga awanan iti piyansa.
Ti pannakatiliw ti suspek ket indauloan ti PIT-RIZAL RIU4A, Taytay MPS ken CIDG Kalinga PFU.
