--Ads--
Nagkari dagiti sumagmamano a retailers nga ibaba iti agingga Php42 tunggal kilo ti presyo ti bagas mangrugi inton umay a bulan apaman nga agepektibo ti panakaibaba ti tariff rates kadagiti imported a bagas.
Sigun iti Philippine Rice Industry Stakeholders Movement (PRISM), mapatta-patta a bumaba iti Php42 agingga Php46 tunggal kilo ti presyo ti bagas kas resulta ti panakaibaba ti taripa iti nasao a produkto.
Maipalagip a pormalen nga impababa ni President Ferdinand Marcos Jr. ti taripa iti bagas iti 15% manipod iti 35% a manamnama nga nga agepektibo inton July 5,2024.
