Nakasangpiten iti pagilian ti bagi dagiti Overseas Filipino Workers(OFW) a pimmusay gapu iti napasamak nga uram idiay Kuwait idi laeng June 13,2024.
Dagiti biktima ket pakairamanan da Jesus Lopez, Edwin Petilla, ken Jeffrey Catubay.
Pinasangbay dagitoy ti bukodda a pamilya kadwa dagiti maseknan nga opisyales ti gobyerno.
Impasigurado met ti Overseas Workers Welfare Administratio(OWWA) a mangipaay dagitoy ti tulong pinansyal kadagiti naibati a pamilya dagiti biktima nga aggatad ti Php220,000, $10,000 manipod iti kompanya a nagpaayan dagiti biktima, $15,000 manipod iti gobyerno ti Kuwait, ken maipaay metlaeng kadagitoy ti insuranceda.
Kabayatanna, manarimaan paylaeng met ti panagpataming dagiti daduma pay a Pilipino a nadangran iti nasao nga insidente nga iti agdama ket imonmonitor ti embahada ti Pilipinas idiay Kuwait.
