Impaganetget ni Baguio City Mayor Benjamin Magalong a saan a pudno ti market privatization iti merkado publiko iti siudad.
Impettengna daytoy kalpasan a nagwaras iti social media nga imanehar ti maysa private company ti parapubliko a merkado iti siudad.
Gapu iti dayta, nagduduma a reaksyon ti naawat ti lokal a gobyerno seknan iti daytoy.
Nupay kasta, adda dagiti indibidual ti umanamong iti privatization ti market bayat nga adda dagiti saan nga umanamung ti privitization.
Kabayatanna, inlawlawag ni re-elected mayor Benjamin Magalong a saan a pudno ti privatization ti market nga agwarwaras iti social media.
Impeksa ti Mayor a makita met iti terms and condition ken uray iti references dagiti agpaypayso.
Kinuna pay ti mayor nga adda laeng ti agar-aramid iti kina-ulbud.
Malaksid iti dayta, gapu iti palso a damag a nagwaras ket nangitunda ti pannakatikaw dagiti residente ti siudad.
Inlawlawag ni Mayor Magalong a ti maysa a private ket kasla sadiay center mall ngem ti mapasamak para iti public market ket naidumduma.
Kinuna ni mayor nga amin a kwarta a maurnong manipud iti public market ket agturong lokal a gobierno ti siudad ti Baguio.
Kabayatanna, iti panakiuman ti Bombo Radyo kadagiti sumagmamano a vendors, impeksada ti pagsayaatan ti public market kas iti pannakadevelop daytoy.
Sigun iti saanen a nagpabigbig a nakauman ti Bombo News Team, nabayag a problema ti kinadalus iti palengke a nu man pay adda iti flushing a maisaysayangkat sadiay ngem saan nga umdas gapu ta awanan iti disiplina dagiti ka-aduan sadiay.
Malaksid iti dayta, nu maipasidung iti redevelopment ti public market mabalin a mamintiner ti kinadalus, adda ti urnos ken ma-istriktuan dagiti vendors wenno agilaklako sadiay.
Kagiddan dayta, ti panggep para iti market development ket maipresentar iti City Development council.
Innayon pay ti mayor nga agtultuloy ti pannakakoordinarda iti komunidad seknan iti market development.//Bombo Noveh Organo
