BAGUIO CITY – Pangpanggepen ti Baguio City a maki-bid para iti Batang Pinoy ken Philippine National Games (PNG) inton tawen 2025.
Iti interview ti Bombo Radyo kenni Engr. Bonifacio Dela Peña, City Administrator, kinunana a plano dagitoy a maki-bid tapno agserbi kas host ti siyudad para iti nasao a torneo gapu ta walking distance laeng dagiti venue ken nasayaat ti klima iti siyudad.
Nupay kasta, impeksana a kasapulan ti kanayonan nga oras para iti panakaisagana dagiti equipments a maaramat ken dadduma pay.
Maipalagip nga over all champion ti Baguio City iti kaleppas a 2023 Batang Pinoy idiay Metro Manila ken rank number 3 iti Philippine National Games.
Gapu iti daytoy, makaawat dagiti nakipaset nga atleta ti cash incentives ken daduma pay a gungguna.
Namnamaen met ni Dela Peña a magun-od ti siudad ti over-all championship iti Philippine National Games (PNG).//Rosemarie Bulsao
