Agsagsaganan ti futsal highschool team ladies iti Baguio City a mangdepensa iti titulo dagitoy kas kampeon iti umadanin a Cordillera Administrative Region Athletic Association(CARAA)Meet 2025.
Iti panakiuman ti Bombo Radyo kenni Gatan Dalang, coach iti Baguio Futsal Team, imbinglayna nga addan dagitoy iti 80 agingga 85% preparation.
Sigun kenni Dalang,all year round ti panag-ensayo dagiti atleta gapu ta saan a rumbeng a sumardeng dagitoy nu sadino, kalpasan ti bakasyon dagitoy ket nangrugida manen a nagensayo.
Kagiddan dayta, imbinglay ti nasao a coach a saanda nga agpakampante iti baet a dagitoy ti defending champion.
Innayonna a saanda nga agbalin nga overconfident kadagiti anyaman nga ay-ayam, championship man wenno saan.
Kabayatanna, dumanonen iti nasurok uppat a tawen a nagen-ensayo dagiti atleta gapu ta sigun kenni Dalang, makipaspaset dagiti atleta iti futsal games sipud pay elementarya dagitoy.//Bombo Genzel Depayso
