BAGUIO CITY – Agtultuloy a pappapigsaen ti Baguio Tourism Council (BTC) iti pannakaital-o ti responsible tourism iti grassroots level babaen iti maysa a tree-planting activity ti Kapisanan ng mga Brodkasters ng Pilipinas (KBP).
Ditoy a nakipartisipar ni BTC Chairperson Gladys Vergara iti annual tree planting activity ti KBP Baguio-Benguet Chapter a naipatungpal idiay Forbes Park, South Drive Barangay, DPS compound, ditoy Baguio City.
Ti nasaoa programa ket naawagan kas Oplan BroadcasTreeing a kangrunaan a panggep na ket tapno mapreserba dagiti nabatbati pay a communal forest wenno dagiti forest reservations.
Pinagyaman ni Vergara dagiti kameng ti media gapu iti nasao nga aktibidad nu sadino iti mensahe nga impaay na ket kasapulan nga imintinir ken protektaran dagiti nabatbati pay a kabakiran ti suidad ta agserserbi dagitoy kay natural charm para kadagiti bisita ken turista.
Dumanon iti agarop sangagasut a
pine tree saplings ken kape ti naimula iti lugar nga indisegnar ti City Environment and Parks Management Office (CEPMO) nu sadino agserbi daytoy kas adopted space para kadagiti broadcasters a salwadan ken aywanan iti masangwanan.
Innayon pay ni Gladys Vergara a ti kangrunaan a mandato ti Baguio Tourism Council ket ipreserba ti forested landscape ti “Summer Capital of the Philippines ” nga agserbi kas natural attraction kadagiti bisita.
Ginuyugoy pay ti opisyal ti panagkaykasa ken kooperasyon ti kummunidad para iti agtultuloy a socio-economic growth. “
Maipalagip nga idi tawen 2016 ket inyuswat ni Vergara ti green energy advocacy a naawagan kas “Glad to be Green.” nu sadino ditoy a naipaka-ammu dagiti solar-electric powered Green Bus iti publiko nu sadino dagitoy ket environmentally friendly, zero-emissions public transport initiative a mangsalwad iti aglawlaw.
