BAGUIO CITY – Impaulog ti Regional Trial Court (RTC) – Branch 8 ti pinal a desisyon dagitoy a da Jimssie Galang Salazar, residente ti Bacoor, Cavite ken Justine Jerome J Baisa, residente ti San Mateo, Rizal ket nilabsingda ti Section 5 ken Section 15 ti Republic Act 9165 wenno ti panagaramat ken panagusar ti iligal a droga.
Maipalagip a da Salazar ken Baisa ket nakemmeg idi agsapa ti Hulyo 3, 2022 kalpasan a naaksidente dagitoy sadiay Camp 6, Tuba, Benguet iti deppaar ti Kennon Road a nangitunda iti panakaiwara ti kargada a sangapulo ket dua a pidaso ti tubular marijuana fruiting tops weighing nga agdagsen ti agarup sangapulo ket dua a kilo nga aggatad ti1.4 million.
Ibiyaheda koma ti nasao a kontrabando sadiay National Capital Region.
Ti nasao nga insidente ket naimbestigaran babaen iti panangidaulo ni PCapt. Jeremias Toyokan, Acting Chief of Police ti Tuba MPS ken ni PCpl Emerson Ignacio, Investigator-on-Case (IOC), a nangitunda iti balligi a panakaibalod dagiti dua a suspek.
Kabayatanna, dagiti met nakumpiskar a sangapulo ket dua a pidaso ti tubular marijuana tops ket maipama iti Philippine Drug Enforcement Agency (PDEA) para iti umno a disposisyon./CMS
