--Ads--
BAGUIO CITY – Nakemmeg ti maysa a balasang gapu iti gandatna a panangtakaw iti nginginaen a cellphone ti maysa a balasang sadiay Upper Session Road, Baguio City.
Nabigbig daytoy a ni Maribel Majino, 21-anyos, balasang ken residente ti East Quirino Hill, Baguio City.
Personal nga inturong ti biktima ti nasao a suspek iti istasyon ti pulisya.
Maibasar iti salaysay ti 20-anyos a biktima, ginandat ti suspek nga alaen ti cellphone-na nga aggatad ti P30,000 a nakakabil iti bagna bayat ti pannagnana sadiay Session Road.
Nupay kasta, nadlawna ti ar-aramiden ti suspek isut gapuna nga ingemanna daytoy ken inturongna iti istasyon ti pulisya.
Sumangsango ita ti nakemmeg a balasang iti kaso a panagtakaw.
