--Ads--
BAGUIO CITY – Nakemmeg ti maysa a balasang gapu iti maatap a panagtakawna iti maysa a supermart sadiay Abanao Street, Baguio City idi kanikadua.
Nabigbig daytoy a Charlotte Melchor, agtawen ti 35, tubo ti Lingayen, Pangasinan ken residente ti Crystal Cave, Baguio City.
Maibasar iti report, simrek ti balasang iti nasao a supermart ken ditoy nga inalana dagiti nagduduma a gagatangen nga aggatad ti nasurok P5,000.
Nupay kasta, nakemmeg daytoy kalpasan a naduktalan ti gwardiya nga awan ti resibo dagiti imet daytoy a grocery items.
Naiturong met ti balasang iti istasyon ti pulisya para iti umno dokumentasion ken iti panakaipila ti kaskenan a kaso kontra iti daytoy.
