BAGUIO CITY – Pakabuklan a P1,121,000,000 ti balor dagiti nakumpiskar a shabu, marijuana plants ken marijuana plants iti anti-drug operation nga insayangkat ti Philippine Drug Enforcement Agency – Cordillera manipud Enero aggingga Hunyo, iti agdama a tawen.
Iti nasao a bilang, P1-million iti shabu ken P880-million met iti marijuana.
Iti interview ti Bombo Radyo kenni Rosel Sarmiento, Information Officer ti Philippine Drug Enforcement Agency – Cordillera, agtultuloy ti marijuana eradication nga ipatpatungpal dagiti operatiba iti kabakiran ti probinsiya ti Benguet ken Kalinga.
Sigun kenni Sarmiento, dumanon iti lima pulo a plantation sites ti na-eradicate nu sadino kangrunaan a nakaduktalan ti nasao a mula idiay Kalinga.
Innayona a kaadwan kadagiti natiliw iti agdama ket dagiti mismo a residente nu sadino mismo a dagitoy ti mangisabat iti iligal a produkto-da kadagiti turista nu idilig idi napan a tawen a dagiti turista ti mismo nga agturturong kadagiti nasao a lugar.
Sigun pay kenkuana, ngumatngato ti presyo ken demand daytoy rason nga agtultuloy ti panagmula ken panag-cultivate ti marijuana.
Nupay kasta, maipatpatungpal ti taripnong ti ahensiya ken opisyales dagiti drug-affected/drug-infested barangays.
“Nagagawa po natin iyon pa-isa isa sa mga drug-affected o drug-infested marijuana plantation site na ito. ilan naman po sa mga barangay officials natin ay andon ‘pag nakikipagpulong tayo pero ilan lamang po ay wala, hindi po sumisipot ‘pag nakikipagpulong tayo.”
Rosel Sarmiento, PIO of Philippine Drug Enforcement Agency – Cordillera
