--Ads--
Manamnama a maiyawid iti kabiitan a panawen ti bangkay dagiti tallo nga overseas Filipino worker a pimmusay idi napasaran ti napigsa a panagtudo ken panaglayos idiay Dubai, United Arab Emirates itay nabiit.
Immunan a nabigbig dagiti pimmusay a da Jennie Gamboa, Dante Casipong, ken Marjorie Saquing.
Pimmusay da Gamboa ken Saquing kalpasan a nasuffocate dagitoy iti shuttle service bayat a pimmusay ni Casipong kalpasan a natnag ti luganna iti sinkhole.
Iti agdama ket manarimaan ti panang-asikaso ti Overseas Workers Welfare Administration (OWWA) dagiti kaskenan a dokumento tapno maiyawiden ti bangkay dagitoy.
Maipalagip nga idi Abril 16 ket napasaran ti napigsa a panagtudo idiay United Arab Emirates a nangitunda met iti nakaro a panaglayos.
