Nabigbigen ti bangkay ti lalaki a nasarakan sadiay Lower Tomay, Bahong La Trinidad, Benguet idi kalman.
Personal a binigbig ti anakna ni Robert Gadia Jr, 56-anyos, naasawaan, ambulant vendor wenno push cart vendor sadiay Km. 5 Public Market, La Trinidad, Benguet.
Naudi a nakita ti biktima iti maysa a barber shop sadiay Jacinto Street, Malcolm Square, Baguio City itay kanikadua.
Maipalgip nga inyuman ti maysa a maseknan nga umili a ni Simon Cabradilla Maslag Jr. iti estasyon ti pulisya ti nasao nga insidente no sadino nakitana ti nasao a bangkay a nakapakleb iti nasao a lugar.
Nakapasar ti biktima iti dunor iti ulona ken iti kanawan a tumengna kas maibasar iti inisyal a panagsukimat ti SOCO.
Malaksid iti daytoy, sumagmamano a paset ti kudil daytoy ti napwersa a naikkat nu sadino a mapapati a naibarsak iti 16 a kadapan a kaadayona iti kalsada.
Patien dagiti otoridad nga hit and run ti napasamak iti biktima.
Iti agdama ket matingtingiting ti CCTV a naimuntar iti lugar a nakapasamakan ti insidente bayta a maur-uray ti resulta ti otopsiya ti bangkay para iti pannakaduktal ti pudno a rason ti ipupusay ti biktima.
