--Ads--
BAGUIO CITY – Naitabonen ti bangkay ti maladaga a nasarakan iti igid ti Balili River idi kalman.
Maibasar iti report, agtantan-aw ti maysa nga umili ti Balili, La Trinidad iti Balili River idi nakitana ti kasla maladaga a nakapakleb iti igid ti karayan.
Inasitganna daytoy ken sadiay a nakitana ti bangkay nga addan iti state of decomposition wenno agruprupsa.
Dagus daytoy a nagkiddaw ti tulong ken iti panagresponde ti pulisya ket improsesoda ti nasao a maladaga.
Mapattapatta a maysa agingga dua a bulan ti nasao a lalaki a maladaga.
Naiturong daytoy iti simbaan para iti panakabendisyonna sakbay a naitabon iti Buyagan Public Cemetery.
