Impakita ti Bureau of Internal Revenue (BIR) idi kalman ti baro a logo ti nasao nga ahensiya kagiddan ti panagrambakda iti maika-120th nga annibersaryo dagitoy.
Ti panakaredesign ti logo ti Bureau of Internal Revenue (BIR) ket nakalinya iti Bagong Pilipinas rebranding campaign ni President Ferdinand Marcos Jr.
Sigun kenni Bureau of Internal Revenue (BIR) Commissioner Romeo Lumagui Jr., agarup 60 a tawen a saan metten a nabalbaliwan ti logo ti ahensya rason a kasapulan nga ag-“evolve” kas maitunos iti agbalbaliw a panawen kasta met a mangiparangarang iti vision dagitoy iti masakbayan.
Ginasgasut met nga entries ti naawatda para iti panakapili ti baro a logo nu sadino naituding a P100-K ti maipaay iti winner, P50-K iti 1st runner-up ken P25-K iti 2nd runner-up.
Nu pay kasta, awan ti single winner a napilida, rason a dagiti top three a designs ket naipaayan ti tag P50-K.
Saan met nga inlawlawag ni Lumagui Jr. nu manu ti kusto a gastos iti redesign ti logo ti ahensya.
Kabayatanna, ti baro tagline ti Bureau of Internal Revenue (BIR) ket “Bringing in Revenues for Nation-building.”
Nu pay kasta, ado a rebranding ken redesign a napasamak kadagiti ahensya ti gobyerno ti nakaawat ti pammabalaw gapu iti dakkel a gastos dagitoy kas iti rebranding ken logo redesign ti Philippine Amusement and Gaming Corporation’s (PAGCOR) nga aggatad iti P3 million.
Sumaruno, ti rebarnding ti Department of Tourism a “Love the Philippines” nga aggatad iti P49-million.
