BAGUIO CITY – Naibinsa-binsa dagiti sumagmamano a nabaliwan iti pagalagadan seknan iti panakaipatungpal ti social gatherings iti Baguio City.
Sigun kenni Atty. Althea Alberto, Executive Assistant ti City Mayors Office, saanen a kasapulan ti pammalubos ti mayor kadagiti work gatherings kas ti board elections, company meetings, office meeting ken daduma pay.
Kasapulan laeng ti pammalubos ti mayor kadagiti private gathering kas ti panagkasangay, kasar, bunyag, reunion ken daduma pay nga aktibidad.
Nupay kasta, impettengna a nasken a masurot ti 30% capacity kadagiti indoor activity, 50% kadagiti outdoor activity ken nasken a fully vaccinated dagiti dumar-ay iti daytoy.
Innayona a nasken nga adda ti maipatungpal nga inspection iti lugar a panakaipatungpalan ti aktibidad babaen iti City Health Services Office tapno makumpirmar no bakunado dagiti staff ken dagiti dumar-ay.
Kagiddan iti daytoy, inyapelana ti panagtulnog dagiti umili kadagiti nasao a pagalagadan nangruna ta umadanin ti panakarambak ti paskua. (with Bombo Brigit Marcasi)
