ATOK, BENGUET – Agbalbalin a parikot ti basura iti munisipyo ti Atok,Benguet.
Iti pannakiuman ti Bombo radyo kenni Atok Mayor Franklin Smith, inaklonna a parikotda ti basura sadiay.
Nupay kasta, impanamnamana a saanda a baybay-an ti basura iti nasao munisipyo.
Sigun iti mayor, addan ti schedule ti panagbabasura sadiay.
Naidisignar metlaeng ti lugar a pakaurnungan ti basura sakbay a makolektar ken maiturong iti Urdaneta City sanitary landfill.
Inlawlawag ti nasayo a mayor nga adda ti gundaway a maitantan ti pannakakolektar ti basura, gaputa adda ti gundaway a saan a nasayaat ti kondisyon ti lugan a maar-aramat a pangkolektar.
Nupay kasta, impettengna a dagus metlaeng a makolektar.
Daytoy ti komento ti nasao a mayor, kasaruno ti agwar-waras a post iti social media seknan iti panagdalus iti basura a naibelleng iti maysa a lokasion sadiay Sayangan, Paoay Atok.//mp4
