Impeksa ni Police Colonel Ruel Tagel, City Director iti Baguio City Police Office a dakkel a katulungan kadakuada ti naiyuswat a BCPO ViewBag Application a maar-aramat nga instrumento para iti panakaimanihar iti gunay iti trapiko iti siudad.
Iti panakiuman iti Bombo Radyo kenkuana, imbinglayna a ti panakiyuswat iti nasao nga aplikasyon ket paset ti informatiom dissemination campaign dagitoy nu sadino, maipaayan iti impormasyon ti publiko seknan iti sitwasyon ti trapiko iti partikular a lugar, mangpakaammo kadakuada iti availability wenno kinawaya ti maysa a parking space, ken ti kaado ti tattao iti maysa a tourist destination.
Maipalagip a ti nasao nga application ket inaramid ti Information Technology expert iti nasao nga opisina idi December 2024.
Iti sabali a bangir,imbinglay ti opsisyal a saan a naliklikan ti panaglabsing dagiti indibidual iti pagalagadan iti trapiko ti Baguio City kas naobserbaran idi napan a lawas.
Agparparang a kadawyan a malablabsing ket ti anti-road obstruction ken illegal parking.
