BAGUIO CITY – Pakabuklan a 85 ti bilang dagiti contact tracers iti Benguet kalpasan a nanayonan dagitoy itay nabiit.
Sigun kenni Rufena Fegcan, provincial director ti DILG-Baguio Benguet, nagala manen ti opisinada ti kanayonan a contact tracers gapu iti panagngato ti kaso ti COVID-19 iti probinsia.
Kinunana a naiwarasen dagitoy kadagiti nagduduma a munisipio kas maibasar iti kaado ti kaso ti COVID-19 nailista dagitoy.
Inaklonna nga adda ti contact tracer a nakaptan iti nasao a sakit no sadino naipasidongda iti isolation ken quarantine nga iti agdama ket naimbaganen dagiti daduma.
Impettengna a work from home ti nagbalin a pamay-an dagiti nagpositibo a contact tracers tapno mapakagtrabaho latta dagitoy.
Dinakamat ni Fegcan nga agpaso inton Disyembre 31 ti kontrata dagiti contact tracers ngem posible nga adda manen ti pundo a mailatang para iti panakarenew dagitoy.
Imbinglayna a napintas ti nagbalin nga assessment ti opisina kadagiti contact tracers gaputa napintas ti performance dagitoy.
