Dumanonen iti 174 nga indibidual ti nagparehistro iti manarimaan a registration ti Barangay ken Sangguniang Kabataan Elections sadiay Tuba, Benguet.
Iti panakiuman ti Bombo Radyo kenni Carmelita Genove-Election Officer ti Tuba, Benguet, kinunana a nasayaat ti taray ti registration dagitoy agsipud ta simmayaat ti sasaaden ti panawen.
Kinununana a kaadduan kadagiti nagparehistro ket dagiti agtutubo no sadino adda pay dagiti agtawen iti 14.
Nupay kasta, namnamaenda a dumanon iti 150 a high school students ti agparehistro agingga nga agleppas daytoy inton August 10, 2025.
Kadagiti agparehistro ket agitugot laeng iti ID’s kas iti school ID’s wenno birth certificate.
Maipalagip a nangrugi ti registration idi paylaeng kanikadua.
Kabayatanna, al-allukuyen ti nasao nga opisyal dagiti umili sadiay Tuba, Benguet nga agparehistro agsipud ta addan dagiti lugar a naituding a pagturungan dagitoy.
