BAGUIO CITY – Adayo nga ad-ado ti bilang dagiti single a lallaki iti rehiyon Cordillera nu idilig kadagiti babbai gapu kadagiti nagduduma a rason.
Sigun kenni Aldrin F. Bahit, Jr. Chief Statistical Specialist ti Philippine Statistics Authority, nakaapektar ti education attainment iti panagtalinaed a single dagiti babbai.
Dinakamat ni Bahit a kas maibasar iti rekord ti Commission on Higher Education (CHED) – Cordillera, 7 out of 10 a college graduate ket babbai, kayatna a saoen ado dagiti babbai nga agturturpos iti kolehiyo wenno idilig kadagiti lallaki.
Gapu iti daytoy, adda ti panagduadua ken panagbain dagiti lallaki nga agarem gapu ta nangato ti panagkitada iti estado ken nagun-od dagiti babbai.
Sigun pay kenni Bahit, posible a nakaapektar ti panagbabain dagiti lallaki iti panagtalinaed dagitoy a single rason a dagiti babbai ti agaramid ti aksyon.
Malaksid iti daytoy, ado dagiti babbai a makias-asawa gapu iti biological consideration partikular ti reproductive age nu sadino marigatan dagitoy nga aganak nu madanonda ti nasurok trenta a tawen dagitoy.
Innayon pay ni Bahit a saan a nakasagana dagiti lallaki a maadaan ti pamilya gapu ta mas dakdakkel wenno nadagdagsen ti responsibilidad dagitoy.//Cara Sacyaten
