BAGUIO CITY – Naobserbaran ti panagbaba ti bilang dagiti turista nga agturturong idiay Mount Pulag iti agdama.
Iti panakiuman ti Bombo Radyo kenni Emerita Albas, Mt. Pulag National Park Superintendent, saanen a dimmanon iti sangagasot ti bilang dagiti simmang-at sadiay idi kalman.
Sigun kenni Albas, panggep dagitoy a temporaryo nga iparikep ti nasao a pagpasayaran ngem adda ladta dagiti mailawlaw-an nga agturong sadiay rason nga agtaltalinaed a silulukat daytoy iti agdama.
Nupay kasta, saan a natalged ken saan paylaeng a maipalubos ti panagcamp iti summit gapu iti saan a nasayaat a paniempo kas iti panagtudtudona.
Mainaig iti dayta, adda ti “standardized” a mabayadan para kadagiti bagahe dagiti turista a mabalinda a kitaen kadagiti opisina ti organizers tapno malilklikan ti nasobsobra a panagsingir dagiti mangasistar kadakuada.
Impudno ni Albas nga adda dagiti mananggundaway nga organizers nangruna kadagiti externals a saan nga agtultulnog kadagiti pagannurotan iti operasyon ti nasao a pagpasyaran nu sadino sumagmamano kadagitoy ket naipaayanen ti notice of violation wenno warning.
Amin, nakaresibo isu nga imonitor metlaeng ti officers. Adda ti resibo ti guides tapno mamonitor met.
Kagiddan dayta, impasigurado ti opisyal a mamonmonitor dagiti masapol a mabayadan nu sadino saan a mabalin nga agsobra gapu ta maduktalan metlaeng kadagiti internal controls.//Bombo Rob Dominguez
