--Ads--
BAGUIO CITY – Inlukat ti Binga Dam ti maysa nga spillway daytoy gapu iti ngumatngato a lebel ti danum sadiay nga ituntunda ti Bagyo a Pepito.
Maibasar iti paka-ammo ti Binga Dam Flood Forecasting and Warning Service Office ti National Power Corporation, alas tres ti malem idi kalman ket nailukat iti 0.5 meter ti gate no. 3.
Nailanad iti paka-ammo a nadanunen ti lebel ti danum sadiay ti 574.32 meters nga asidegen iti 575.00 meters a Normal High Water Level.
Naibilin met ti panagannad dagiti umili iti Binga, Tinongdan ken Dalupirip sadiay Itigon ken dadduma a lower-stream communities iti masakupan ti Agno River.
