Indeklara iti maysa a local court a void ti birth certificate ti nasuspindir a Bamban, Tarlac mayor a ni Alice Guo sigun iti Philippine Statistics Authority (PSA).
Sigun kenni National Statistician ken PSA chief Claire Dennis Mapa, maysa daytoy a nasayaat a damag para iti gobyerno iti Pilipinas.
Ti desisyon ti maseknan a korte ket nairuar makatawen kalpasan nga inyendorso iti PSA iti Office of the Solicitor General ti panakakanselar ti birth certificate ni Guo.
Maipalagip a napagdudua-an ti citizenship ni Guo gapu kadagiti saan nga agtutunos a testimonya daytoy maipapan iti backgroundna ken ti maatap a mapagdudua-an a dokumento daytoy seknan iti kina-Pilipino na.
Iti agdama,nakabalud ni Guo iti Pasig City Jail gapu iti sangsangwenna a nagtutu-on a kaso mainaig iti panakairamanna iti kontrobersya iti Philippine Offshore Gaming Operators (POGO) kas iti panangpeke kadagiti public documents, human trafficking,ken graft.
