Ad-adalen ti sumagmamano nga abogado nga isubli wenno ipaay ti mapapati a blangko nga item ti bicameral conference committee report ti 2025 national budget iti opisina ti Korte Suprema.
Sigun iti sigud nga executive secretary ni Presidente Ferdinand “Bongbong” Marcos Jr. a ni Atty Vic Rodriguez, namnamaenda a sungbatan ti administrasion ni Marcos ti mapapati a “discrepancies” ti 2024 national budget nga inladawanna nga “unconstitutional.”
Kitkitaen metlaeng dagiti abogado ti criminal liability ti siasino ti rumbeng a mangsungbat gaputa daytoy ket krimen kontra iti interes ti publiko.
Dinakamat ni Atty Rodriguez ti panaglabsing iti Article 170 ti Revised Penal wenno ti falsification of legislative documents.
Iti agdama, awan pay ti sungbat ni Executive Secretary Lucas Bersamin ken ni Presidential Communications Office Acting Secretary Cesar Chavez.
