UNITED KINGDOM – Maysa a bride ti saan a nangnamnama a maikkat gayamen iti trabaho-na iti mismo nga aldaw ti panagkallaysa-na idiay Cyprus, United Kingdom.
Sigun kenni Amanda, naikallaysa daytoy idi MAyo 22, ngem kalpasan ti kagudwa nga oras ket nakaawat ti mensahe manipud iti bossna.
Kinunana a naimpormaran ti boss ken dagiti katrabaho-na a maikallaysa daytoy iti nasao nga aldaw.
Inlawlawag ni Amanda a napintas ti performance daytoy iti nasao a kompanya ken nu adda man ti saan a nasayaat nga aramidna ket ti nabannayat a panagsungbatna iti email.
Suspetsana pay a nabayagen a pangpanggepen ti kompanya nga ikkaten daytoy.
Mainaig iti dayta, kinuna ni Amanda a nag-hire ti nasao a kompanya ti baro nga empleyado nu sadino nagrugi a nagtrabaho daytoy idi nangipasa daytoy ti vacation leave.
Kinunana pay a posible a naikkat iti trabahona gapu ta kaykayat ti kompanya dagiti single employees ken maatap a niliklikan ti kompanya nga agbayad ti benepisyo para kadagiti married employees.
Iti agdama, aburido ni Amanda nga agsapsapol ti trabaho daytoy.
Anya ti aramidem ka-Bombo, nu iti mismo nga aldaw ti panakallaysam ket isu met ti aldaw a pakaikkatam iti trabaho?
