--Ads--
Nanaganan ni Cardinal Luis Antonio Tagle kas titular nga obispo ti Albano idiay Roma, ti diocese a sigud a naikeddeng kenni Pope Leo XIV wenno ni Kardinal Robert Prevost idi.
Daytoy ket sigun iti Vatican itay laeng agsapa.
Ni Tagle ken dua pay a Pilipino a cardinals ket nakipaset iti “conclave” itay laeng nabiit, ken nakipaset metlaeng iti tabon ni daydi Pope Francis idi Abril 21.
Ni Leo XIV ket nainagunaran kas maika-267 a Papa iti Catholic Church idi May 18 iti seremonia ti Vatican nu sadinno, ni Tagle ti nangikabil ti Ring of the Fisherman iti ramay ti santo.
Ti Ring of the Fisherman ket simbolo ti turay ti santo kas successor ni San Pedro, maysa a mangngalap ken umuna a dadaulo ti simbaan.
