--Ads--
BAGUIO CITY – Hinarang ti Bureau of Customs (BOC) ti M.V Bangpakaew, maysa a cargo vessels nga addaan ti karga a refined sugar sadiay Subic, Zambales.
Ti nasao a cargo vessels ket nagkarga ti 7,000 a metric tons wenno 140 a bags ti imported nga asukar manipud Thailand.
Sigun kenni Customs Commissioner Yogi Filemon Ruiz, dagiti import documents a naiparang kadakuada ket “recycled”.
Gapu iti daytoy, temporaryo a naimpound ti nasao a cargo vessels bayat a mangipatpatungpal ti BOC ti imbestigasyon.
Agtultuloy met ti operasyon dagiti maseknan nga ahensiya ti gobyerno tapno malapdan ti iligal nga iseserrek iti pagilian dagiti agricultural products kas ti asukar ken carrots.
