Impetteng ni Senator Ping Lacson a nakasaganan ti case studies a mangpaneknek iti claim daytoy nga adda dagiti “ghost” flood control projects iti Pilipinas.
Daytoy ket kasaruno ti panangbabalaw iti imbaga ni Department of Public Works and Highways Secretary Manuel Bonoan nga “isolated case” ti palso a proyekto sadiay Bulacan.
Sigun kenni Lacson, ninamnamana ti “isolated case” remark ni Bonoan ngem para kenkuana ket saan nga isolated daytoy.
Gapu iti dayta, kinunana a nangipatungpalda iti case studies sadiay Pampanga, Northern Luzon ken kadagiti dadduma pay a lugar.
Kagiddan dayta, namnamaenna a mangipatungpal ti Commission on Audit (COA) iti “comprehensive ken extensive” fraud audit tapno mapakaammuan ti publiko iti pakaigasgastosan dagiti taxes dagitoy.
