Mangrugin nga ipaay ti gobyerno ti bilyon nga ayuda kadagiti draybers iti pagilian inton bigat, Marso 17 kas tulong kadagiti draybers gapu iti nagbalin nga epekto panangngato ti presyo ti petrolyo kadagiti draybers iti pagilian.
Inwaragawag ni President Ferdinand Marcos, Jr. nga idauloan daytoy ti Department of Social Welfare and Development no sadino P5000 a cash relief ti maipaay iti agarup 139,000 a tricycle driver iti 17 local government unit sadiay Metro Manila.
Kalpasanna, isarunoda nga ipaayan dagiti adda iti probinsya pakairamanan dagiti dryber iti pampasahero a jeep ken Transport Network Vehicle Service (TNVS).
Naituding metlaeng nga ipaay ti Department of Transportation (DOTr) dagiti nakalatang a fuel subsidy iti maudi a lawas ti bulan ti Marso. //Bombo Karen Sapirao
