Pinaglibakan ti Catholic Bishops’ Conference of the Philippines (CBCP) idi kalman iti agwarwaras iti social media nga adda ti inyendorsoda a kandidato iti kinasenador sakbay ti May 12 elections.
Sigun kenni CBCP Secretary General Msgr. Bernardo Pantin, kasapulan a kitaen a nalaing dagiti mabasbasa iti social media.
Daytoy ket sungbat ni Pantin iti viral a surat a mapapati a pinirmaan ni CBCP president Cardinal Pablo Virgilio David a mangiyen-endorso dagiti kandidato iti Senado.
Inlawlawagna a saan a mangiyen-endorso ti simbaan iti siasinoman a kandidato, ngem kitdi mangipapaay daytoy iti moral ken social teaching tapno maigiya dagiti kandidato iti panagbotosda.
Idagdagdagda ti diocese iti publiko a beripikaren ti impormasion sakbay nga ibinglay daytoy ken agtalinaed a naridam kontra iti panangiwaras iti palso a damag nangruna nu maipapan iti eleksion.
Kinuna ti Catholic Bishops’ Conference of the Philippines a non-partisan daytoy, ken ginuyuguyna dagiti botante a sukimaten dagiti track records, plataporma ken ugali dagiti kandidato a maitunos iti sursuro ti Katolika.
