Imbilin ni Rommel Marbil, Chief ti Philippine National Police iti Criminal Investigasion and Detection Group (CIDG) nga ituloyda ti imbestigasion maipapan iti ipupusay ti retired police general ken Philippine Charity Sweepstakes Office (PCSO) Board Secretary Wesley Barayuga idi 2020.
Imbilin ni Marbil ti pannakaituloy ti kaso kalpasan iti naawat daytoy nga impormasion nga adda ti pakainaigan iti maysa a senior government officialti iti ipupusay ni Barayuga.
Maipalagip nga inakusaran ti maysa a polis ni sigud a Philippine Charity Sweepstakes Office General Manager Royina Garma ken National Police Commission (Napolcom) Commissioner Edilberto Leonardo a dagitoy ti nangibilin iti pannakapapatay ni Barayuga idi Hulio 2020.
Gapu iti daytoy, kinuna ni Marbil a kasapulan ti full investigasion iti ipupusay ni Barayuga tapno magun-od ti pamiliana ti hustisia.
