Inwaragawag ti Criminal Investigation and Detection Group a kitkitaenda ti posibilidad a napasamak ti homicide wenno panaglabasing iti anti-hazing law iti ipupusay ti Ateneo de Manila University basketball players a da Rene Baterbonia ken Divine Adili.
Sigun kenni CIDG Director Police Maj. Gen. Robert Morico II, nagbalinen a homicide ti imbestigasion dagitoy.
Impetteng ti CIDG a saan laeng a dagiti fraternities ti saklawen ti Anti-Hazing Act no di pay ket dagiti dadduma nga organisasion.
Maipalagip a pimmusay da Baterbonia ken Adili idi June 08, 2026 gapu iti pannakalmesda bayat ti team-building activity dagitoy sadiay Dipaculao, Aurora.
Immuna metten a kinuna ti provincial police office ti Aurora nga awan ti foul play iti napasamak nga insidente.
Kabayatanna, naglusulos iti pwesto ni Head coach Tab Baldwin ken ti men’s basketball team manager a ni Epok Quimpo.
