Nangipaulog ti Cybercrime Investigation and Coordinating Center (CICC) iti public alert, kasaruno ti panagraira dagiti short message service (SMS) wenno text scams partikular kadagiti motorista nga addaan iti rekord iti traffic violations.
Maidagdagadag metlaeng iti publiko tapno idisregard dagitoy dagiti short message service scams a mangibagbaga a manipud daytoy iti Metro Manila Development Authority (MMDA) mainaig iti maatap a traffic violations dagitoy.
Inlawlawag ni Cybercrime Investigation and Coordinating Center Executive Director Alexander K. Ramos ti detalye mainaig iti cyber culprits modus operandi.
Kinunana a dagiti biktima ket naibilin nga agbayad dagitoy iti multada para iti traffic violations dagitoy babaen iti maysa a link.
Gapu iti daytoy, umap-apelada iti publiko tapno agbalin a nasipot gapu ta saan nga agtetext ti Metro Manila Development Authority (MMDA) kadagiti traffic violators.
Kabayatanna, iyunay-unay dagitoy iti publiko tapno saanda nga iclick dagiti mapagduaduaan a links ken tapno maprotektaran dagitoy kontra kadagiti text scams nga adda pakainaiganna iti Land Transportion office websites ken dadduma pay.//Rose
