Mairugi inton Lunes ti panaka-aramid ti gabion kas long term solution iti nadadael a kalsada sadiay Taloy Sur, Tuba, Benguet idi 2025.
Sigun kenni DPWH Sec Vince Dizon, medyo nakaunget daytoy idi naamuanna a saan pay a narugyan ti panakasimpa ken saan pay a napondoan ti nasao a kalsada rason tapnu pasyarenna babaen iti pangibilin ni President Ferdinand Marcos Jr.
Impeksa ni Dizon a napondoan kuma ti proyekto babaen iti quick response fund kalapasan nadadael gapu iti bagyo.
Sigun iti opisial, kasapulan ti agarup P20 million ti kasapulan a pondo para ti pannaka-aramid ti gabion.
Inlawlawag ti nasao nga opisyal nga i-rekomendar ti engineer sadiay Manila ti gabion tapno naparpartak ken natibtibker ti panakkaaramidna kumpara iti riprap.
Inyunay-unay ni Dizon ti napartak a panakatrabaho daytoy no sadino, posible a malepas iti agarup tallo agingga uppat a bulan.
Pinasingkedan met daytoy ni ASEC Antonio Tabora Jr., a nu saan daytoy a matarimaan ket posible a maputed wenno margaay ti buo a kalsada nu pinagtutudo.
Nagpasalamat met daytoy kenni DPWH Sec. gapu iti napartak a panaggunay daytoy.
Kabayatanna, agkidkiddaw met ni Dizon iti dispensar kadagiti residente ti Tuba kasta metlaeng kadagiti motorista a magmagna sadiay gapu ti napasamak.
Innayun ni Dizon nga adda metlaeng ti project para iti 2026, partikular ti pannakaaramid ti pagnaan ti danum iti siruk ti kalsada.
Impanamnama ti opisial a personal nga agturung iti NDRMMC tapnu masiguro a maipaay ti pondo.//Bombo Noveh Organo
