Agtultuloy ti clearing operation kadagiti nauram a pasdek idiay Campo Filipino barangay.
Sigun kenni Daryll Kim Longid, mangidadaulo ti Public Order and safety division, nalawa ti lugar a nauram, rason nu apay saan pay a nalpas ti clearing operation iti lugar.
Malaksid iti dayta, bimmayag met laeng ti panagdalus gapu iti napasaran a bagyong enteng rason a dimmagsen dagiti basura a makolkolektar.
Innayonna pay a nagbalin a parikut kadakuada ti kinakurang ti kapote nga arameten dagiti enforcers bayat ti panagdalusda.
Mainaig iti daytoy, kinunana a posible met a maiparekep ti Gaerlan Street bayat ti panagdalusda nangruna nu adda ti maisayangkat a hauling wenno panagakupda.
Maipalagip a lima a pasdek ti totally damaged bayat a dua ti partially damaged iti napasamak nga uram idiay Campo Filipino barangay idi Agosto bente siete ti agdama a tawen.
