Isingsingasing ti Election watchdog National Citizens’ Movement for Free Elections (NAMFREL) ken ti University of Asia and the Pacific (UA&P) ti code of conduct (COC) para iti pannakaaramat ti artificial intelligence (AI) bayat ti 2025 eleksyon.
Gapu iti daytoy, namnamaen dagiti nasao a grupo nga agserbi daytoy kas guide para kadagiti amin nga stakeholders a mangimplementar iti “ethical” elections inton sumaruno nga eleksyon.
Sigun kenni NAMFREL national chairperson Lito Averia naimatangan dagiti trabaho dagiti troll armies iti napalabas nga eleksyon no sadino adu dagiti rinumwar a fake news iti social media isu’t gapuna a mangisayangkat daytoy iti kampanya babaen ti artificial intelligence tapno masukatan dagiti troll armies.
Kinuna a saan a suruten ti active regulation no diket ti self-regulation dagiti maseknan nga stakeholders.
Innayonna a manamnama a maiturong ti Code of Conduct iti opisina ti Commission on Elections (Comelec).
Kabayatanna, kinuna ni Commission on Elections George Erwin Garcia a silulukat dagitoy nga agdengngeg maipapan iti code of conduct para iti panagaramat iti artificial intelligence ken inimbetaran metlaeng dagitoy dagiti nasao a grupo tapno mapagtatalantanan daytoy.//Rose
